Adnoddau

Gwerthusiad annibynnol o’r treial Cynllun Dychwelyd Ernes Digidol (Digital Deposit Return Scheme/DDRS) ‘maint tref’ cyntaf yn y byd a gynhaliwyd yn Aberhonddu yn 2023.

Mae’r adroddiad hwn yn rhoi crynodeb o’r ymchwil meintiol ac ansoddol a gynhaliwyd ac yn nodi meysydd ar gyfer ymchwil pellach.

Mae’r adroddiad hwn yn grynodeb o gamau sydd â’r nod o feithrin diwylliant cyffredinol o atgyweirio ac ailddefnyddio yng Nghymru erbyn 2050 ar gyfer ymgynghori â rhanddeiliaid. Gan gydnabod yr angen dirfawr am arferion atgyweirio ac ailddefnyddio yn wyneb heriau amgylcheddol ac adnoddau, mae’r ddogfen yn amlinellu camau y gellir eu gweithredu ar draws randdeiliaid a sectorau Cymru.

Mae’r arolwg Tracio Bwyd yn arolwg o ddinasyddion y DU sy’n casglu tystiolaeth am agweddau, gwybodaeth ac ymddygiad gwastraff bwyd. Dyma’r gyfres fwyaf a’r hiraf o’i fath, gan iddo gael ei gynnal gan WRAP ers 2007¹. Mae wedi’i ddylunio i hysbysu gweithgareddau WRAP ond hefyd i asesu unrhyw newidiadau mewn agweddau ac ymddygiad dros amser.

Mae’r adroddiad hwn yn darparu amcangyfrifon o’r swm a’r mathau o wastraff bwyd a diod a gynhyrchwyd gan gartrefi Cymru yn 2021/22. Edrycha’r adroddiad hefyd ar y rhesymau dros daflu, y gost ariannol, a’r allyriadau nwyon tŷ gwydr (NTG) sy’n gysylltiedig â bwyd wedi’i wastraffu.

Gall y gair ‘Bioblastigion’ beri dryswch, gan fod termau, honiadau, safonau ac ystyriaethau defnyddio/gwaredu yn wahanol i blastigion confensiynol, ffosil-seiliedig. Er mwyn sicrhau ei fod yn cael ei ddefnyddio’n briodol, nod y ddogfen ganllaw hon yw rhoi’r adnoddau i fusnesau allu gwneud y penderfyniadau iawn.

Drwy gymorth wedi’i ariannu gan Lywodraeth Cymru ar gyfer caffael cynaliadwy yn y sector cyhoeddus, mae WRAP Cymru wedi datblygu canllawiau newydd sy’n rhoi trosolwg o gostio oes gyfan (whole life costing/WLC) a sut y gall helpu cyrff cyhoeddus yng Nghymru gyflawni eu nodau caffael cynaliadwy.

Yn 2021, cyhoeddodd Llywodraeth Cymru ei strategaeth uchelgeisiol ‘Mwy nag Ailgylchu’ sy’n amlinellu ei gynllun i wireddu economi gylchol yng Nghymru. Er mwyn helpu i ddeall ymddygiad dinasyddion ac olrhain eu cynnydd o ran ailddefnyddio, atgyweirio a rhentu/prydlesu, mae WRAP wedi ailwampio ei arolwg 3R o 2015 (Lleihau, Ailddefnyddio, Ailgylchu/Reduce, Reuse, Recycle).

Datgloi Dyfodol Ailgylchu Ffilm Blastig yn y Deyrnas Unedig: Treial Arloesol

Arolwg blynyddol o aelwydydd y Deyrnas Unedig yw'r Traciwr Ailgylchu, sy’n casglu tystiolaeth ar agweddau, gwybodaeth, ac ymddygiad ailgylchu. Dyma’r mwyaf a’r hiraf o’i fath, gan iddo gael ei gynnal gan WRAP ers 2004.  

Mae’r arolwg yn defnyddio dull gor-samplo yng Nghymru i ddarparu sampl cadarn, eang o ddinasyddion Cymru. Gwnaethpwyd gwaith maes ar-lein, o 20 – 30 Mawrth 2023. Cynhaliwyd cyfanswm o 5,343 o gyfweliadau ledled y Deyrnas Unedig gydag oedolion sydd â chyfrifoldeb dros ddelio â’r sbwriel ac ailgylchu gartref. Roedd hyn yn cynnwys sampl o 1,004 o oedolion yng Nghymru. Mae’r sampl yn cyd-fynd â phroffil hysbys Cymru, gyda chwotâu wedi’u gosod ar gyfer oedran, rhywedd a rhanbarth.

Canllaw Caffael Cylchol

Gyda chymorth a ariennir gan Llywodraeth Cymru ar gyfer caffael cynaliadwy yn y sector cyhoeddus, mae WRAP wedi datblygu canllaw caffael cylchol newydd ar roi ail fywyd i ddodrefn.

Mae’r materion ansawdd dŵr sy’n wynebu dyfroedd dalgylchoedd Gwy ac Wysg wedi’u hymchwilio a’u dogfennu’n dda a chânt eu hadrodd arnynt yn aml yn y wasg leol, ranbarthol a chenedlaethol. Nid yw’r ddogfen fer hon yn ceisio dangos yr angen i wneud newidiadau i’r dull o reoli maetholion yn y dalgylch, ond yn hytrach mae’n dechrau o’r pwynt o dderbyn bod angen gwneud newidiadau i arferion presennol ac edrych ar yr hyn sy’n cael ei wneud eisoes yn ogystal â chynnal adolygiad byr o ble mae problemau tebyg ar raddfa dalgylch wedi cael sylw mewn gwledydd eraill.

Mae traciwr ailgylchu Ailgylchu Nawr yn rhoi cipolwg ar agweddau dinasyddion y DU tuag at ailgylchu yn ogystal â gwell dealltwriaeth o'u hymddygiad sy'n gysylltiedig ag ailgylchu. Mae'n arolwg blynyddol o ddinasyddion y DU sy'n casglu tystiolaeth ar agweddau, gwybodaeth ac ymddygiad ailgylchu. Dyma'r mwyaf o'i fath a’r un sydd wedi rhedeg hiraf,, wedi cael ei gynnal gan WRAP ers 2004.