Adnoddau

Mae’r adroddiad hwn, a gomisiynwyd gan Lywodraeth Cymru, yn sefydlu deilliannau gwastraff bwyd yng Nghymru yn 2007 fel llinell sylfaen ar gyfer asesu cynnydd yn erbyn targedau ac yn trafod opsiynau ar gyfer ymyriadau a allai gefnogi targed Llywodraeth Cymru o haneru gwastraff bwyd erbyn 2025.

Yn 2020, gofynnodd Llywodraeth Cymru i WRAP Cymru, drwy’r Rhaglen Newid Gydweithredol, ymgymryd ag asesiad ar lefel uchel o effeithiau posibl Cynllun Dychwelyd Ernes (Deposit Return Scheme/DRS) ar wasanaethau casglu gwastraff awdurdodau lleol Cymru.

Yn 2019, comisiynwyd Rhaglen Newid Gydweithredol WRAP Cymru (Collaborative Change Programme CCP) gan Lywodraeth Cymru (LlC) i baratoi adroddiad i roi ymateb manwl i argymhelliad A2 yn adroddiad¹ "Rheoli Gwastraff yng Nghymru: Ailgylchu Trefol” a baratowyd ar gyfer Archwilydd Cyffredinol Cymru gan Swyddfa Archwilio Cymru (SAC), dyddiedig 15fed Tachwedd 2018.

Gall gweithwyr sy’n cynnal casgliadau gwydr i’w ailgylchu wrth ymyl y ffordd ddod i gysylltiad â lefelau uchel o sŵn.

Yn 2011, cyhoeddodd WRAP ganfyddiadau cyfres o arolygon sŵn a ddangosodd fod gan yr holl systemau casglu ailgylchu botensial i’w staff ddod i gysylltiad â lefelau sŵn a allai fynd y tu hwnt i’r gwerthoedd gweithredu a ddiffinnir yn Rheoliadau Rheoli Sŵn yn y Gwaith 2005, a bod y potensial gan rai cerbydau a chasgliadau’r potensial i dorri terfynau cyfreithiol.

Effeithiau Newid Hinsawdd Gwasanaethau Ailgylchu yng Nghymru (2016)

Cyhoeddwyd adroddiad Effeithiau Newid Hinsawdd Gwasanaethau Ailgylchu yng Nghymru gan WRAP Cymru ar ran Llywodraeth Cymru, yn seiliedig ar waith a ymgymerwyd gan Eunomia rhwng Rhagfyr 2015 ac Awst 2016.

Sylwer, er nad yw WRAP Cymru yn cynnig cefnogaeth sefydlu gwerth ar hyn o bryd, mae cyfres o astudiaethau achos, adroddiadau ac offer am ddim ar gael.

Cynhaliwyd yr astudiaeth hon er mwyn darparu data cyfredol i Lywodraeth Cymru a WRAP Cymru ar gyfansoddiad gwastraff   masnachol a diwydiannol (commercial and industrial/C&I) gweddilliol cymysg yng Nghymru. Y prif amcan oedd amcangyfrif y gyfran o'r gwastraff gweddilliol a gynhyrchir yng Nghymru y gellid ei osgoi trwy ailgylchu neu gompostio.

Cymryd gwastraff a’i baratoi ar gyfer ei ddefnyddio eto a’i fwydo yn ôl i’r economi yw paratoi ar gyfer ailddefnyddio. Mae’r Map Llwybr hwn, ynghyd âg adroddiad technegol, yn amlinellu’r camau gweithredu a’r ymyriadau posibl sydd eu hangen i gefnogi mwy o baratoi ar gyfer ailddefnyddio yng Nghymru o fewn y ffrwd gwastraff trefol a gesglir gan yr awdurdod lleol.

Cyfansoddiad Gwastraff

Er mwyn datrys y problemau a achosir gan wastraff, mae’n bwysig gwybod beth sydd yn y gwastraff hwnnw. I fynd i’r afael â hyn, mae WRAP Cymru wedi comisiynu dadansoddiadau cyfansoddiadol o wastraff a sbwriel trefol.

Mae lleihau faint o wastraff bwyd sy’n digwydd ar draws y gadwyn gyflenwi ac yn ein cartrefi yn flaenoriaeth i Lywodraeth Cymru a WRAP Cymru.

Effaith ariannol cyflwyno casgliadau ailgylchu sych wedi’u cysoni i Awdurdodau Cymru.

Un o amcanion allweddol ‘Tuag at Ddyfodol Diwastraff’ yw i 70% o wastraff o’r cartref fod yn cael ei ailgylchu erbyn 2025. Bydd yr amcan hwn yn cael ei ategu gan dargedau ailgylchu statudol ar gyfer awdurdodau lleol unigol.

Mae’r astudiaeth hon, a gomisiynwyd gan Lywodraeth Cynulliad Cymru, yn archwilio manteision cymharol amrywiol systemau casglu ailgylchu sych (cymysg, dwy ffrwd, a didoli wrth ymyl y ffordd) yn gysylltiedig ag amcanion cynaliadwyedd Llywodraeth Cynulliad Cymru, gyda’r bwriad o oleuo’r fframwaith polisi y bydd awdurdodau yn gweithio oddi mewn iddo wrth wneud newidiadau i’w gwasanaethau er mwyn cyrraedd y targed.