Derbynwyr Grantiau’r Gronfa Economi Gylchol

Mae AWD yn arbenigo mewn cyflenwi porthiannau plastig wedi’u hailbrosesu a gaiff eu cynhyrchu o wastraff a gafodd ei gasglu a’i ailgylchu o ffynonellau gwastraff adeiladu, masnachol a threfol.

Sefydlwyd y cwmni’n wreiddiol i ailgylchu uPVC o’r sector adeiladu, ond mae AWD wedi ehangu ei wasanaethau i gynnwys ailgylchu gwydr a phlastig caled cymysg. Mae’r cwmni nawr yn gweithredu’r cyfleuster ailgylchu plastigion caled mwyaf yn rhan ddeheuol y Deyrnas Unedig. Mae’r cyfleuster ym Mhort Talbot, a gaiff ei alw’n ‘Cylch’, hefyd yn ailgylchu plastigion caled cymysg i nifer o Awdurdodau Lleol Cymru a’r cyfleuster hwn sy’n gyfrifol am gyflawni cyfran sylweddol o dargedau ailgylchu plastig sector cyhoeddus Cymru.

Mae AWD yn ailgylchu tua 10,000 o dunelli’r flwyddyn o wastraff o Gymru, yn cynnwys 2,520 o dunelli o blastigion caled cymysg a 2,900 o dunelli o uPVC.

Mae AWD wedi canfod cyfle i gynhyrchu gronynnau a phelenni plastig fel deunyddiau crai i’w cyflenwi i gynhyrchwyr yng Nghymru. Mae cyflenwad porthiant o blastig purdeb uchel yn allweddol i gynhyrchu’r nwyddau hyn, a bydd prynu’r offer hwn yn galluogi gwahanu a phuro’r deunyddiau hyn, a chynhyrchu deunydd eilgylch o ansawdd uchel drwy ddefnyddio technoleg arnofio a golchi, a chynhyrchu deunydd eilgylch ar ffurf pelenni/gronynnau i’w defnyddio mewn diwydiant.

Mae Elite Supported Employment Agency (SEA) yn gwmni a sefydlwyd i alluogi unigolion a chanddynt anableddau neu bobl sy’n profi anfantais i gyrraedd, sicrhau a chynnal gwaith cyflogedig drwy ddarpariaeth cefnogaeth a chymorth unigol wedi’i deilwra.

Mae Elite Paper Solutions yn eiddo’n llwyr i Elite SEA ac fe’i crëwyd yn 2015 i ddarparu ateb yng Nghymru i ddarpariaeth casglu a dinistrio gwastraff cyfrinachol, ynghyd â storfeydd archifau, a sganio dogfennau.

Mae’r cwmni wedi dechrau casglu a phrosesu cardfwrdd o sefydliadau’r sector cyhoeddus yn ddiweddar, ac wedi meithrin perthynas dda gyda rhai cleientiaid preifat sy’n cynhyrchu nwyddau ar gyfer ceffylau. Bwriedir lansio cynnyrch newydd a fydd yn defnyddio’r cardfwrdd a gesglir. Bydd Elite yn prosesu’r cardfwrdd ac yn ei werthu fel deunydd gwely anifeiliaid, a fydd yn gwneud i ffwrdd â’r angen i werthu’r cardfwrdd heb ei brosesu, ac yn cynhyrchu refeniw ychwanegol.

Mae ECO Animal Bedding yn ddeunydd sy’n gyfeillgar i’r amgylchedd, yn defnyddio cardfwrdd rhychiog cymysg wedi’i dorri’n stribedi bach, gan greu dyluniad unigryw sy’n helpu i gynyddu ei natur amsugnol gan gadw haen gynnes wedi’i inswleiddio ar yr un pryd. Bydd y deunydd gwely ECO hwn yn gwasanaethu nid ceffylau’n unig, bydd yn addas hefyd ar gyfer, e.e., moch, llygod mawr, llygod, ffuredau, moch cwta, cwningod, bochdewion, tsintsilaod, degw, jerbilod, a draenogod pigmi Affricanaidd.

Mae GJD Services yn arbenigo mewn darparu dull arloesol a sefydledig o reoli asedau awyrennau a gwasanaethau diwedd oes.

Mae’r sefydliad hwn yn gwmni ‘cydrannau allan’ a chynnal a chadw hynod brofiadol sy’n ymdrin â rheoli cylch oes nwyddau, a’r cwmni oedd y sefydliad cynnal a chadw a gwaredu awyrennau Ewropeaidd cyntaf i gael ei awdurdodi dan CAA ac EASA Rhan-145 y DU ac Asiantaeth yr Amgylchedd yr UE/DU ill dau. Mae GJD Services ar hyn o bryd yn tynnu’r holl gydrannau awyrennau nad ydynt wedi cyrraedd ‘diwedd eu hoes’ oddi ar gorff yr awyren ac yn eu dychwelyd i wasanaeth. Caiff holl ddeunyddiau eraill yr awyren (98% yn ôl ei bwysau) eu hailgylchu drwy’r gadwyn gyflenwi arferol. Ni ddefnyddir yr un broses ar gyfer injans awyrennau ar hyn o bryd, felly mae unrhyw injan sydd wedi cyrraedd diwedd ei hoes yn mynd i sgrap cyffredinol. Fodd bynnag, maent yn cynnwys nifer o gydrannau y gellir ymestyn eu hoes a’u dychwelyd i wasanaeth.

Cydrannau metelaidd i’w hailddefnyddio neu eu hailgylchu fel arall.

Mae Radnor Hills yng Nghanolbarth Cymru’n cynhyrchu dŵr mwnol a diodydd ysgafn. Sefydlwyd y cwmni yn 1990 ac erbyn hyn, fwy na 30 mlynedd ers i’r botel gyntaf gael ei harllwys, mae’n cyflenwi rhagor na 250 o gyfanwerthwyr yn y Deyrnas Unedig a rhai o archfarchnadoedd mwyaf y Deyrnas Unedig.

Mae’r cwmni’n angerddol dros wneud i’r pethau symlaf flasu’n ardderchog, ac mae Radnor Hills wedi creu amrywiaeth eang o nwyddau mewn amryw o fformatau pecynnu, yn cynnwys plastig, gwydr, cartonau TETRA Pak a chaniau, oll wedi’u llenwi â’u dŵr ffynnon ei hunain o Gymru, ynghyd a sudd ffrwythau, dŵr â blas, dŵr ffwythiannol, dŵr wedi’i drwytho, diodydd iach i blant a diodydd près o safon ar gyfer oedolion.

Galluogodd y grant i Radnor Hills fuddsoddi mewn llinell gynhyrchu rPET newydd a fydd yn cynhyrchu’r poteli i fanyleb y cleient o ran maint a gofynion plastig eilgylch. Bydd hyn yn galluogi Radnor Hills i gynyddu’r nifer o boteli sy’n cynnwys plastigion eilgylch gan o leiaf 8 miliwn y flwyddyn, gan ddefnyddio 100t+ o blastigion eilgylch gan gynhyrchwr yng Nghymru.

Nod y prosiect hwn yw defnyddio plastigion ailgylchadwy ychwanegol i gynhyrchu niferoedd mwy o baneli addurniadol a ddefnyddir ar gyfer addurno mewnol masnachol a deunyddiau wedi’u teilwra.

Deunydd eilgylch PETG a HIPS

Bydd y cymorth grant yn galluogi’r Derbynnydd i brynu llinell gynhyrchu paneli ychwanegol i fodloni’r cynnydd yn y galw amdanynt a magu capasiti ar gyfer y dyfodol.

Sefydlwyd Synergy Plastics yn 1997 gan y brodyr John, Michael a Nigel Batt, ac mae’r busnes teuluol hwn yn arbenigo mewn cynhyrchu nwyddau plastig wedi’u mowldio drwy chwistrell. 
Mae’r cwmni’n gwasanaethu nifer o sectorau’r farchnad, yn cynnwys nwyddau i’r cartref a dyfeisiau meddygol, ac mae’n cyfrif nifer o gwsmeriaid rhyngwladol mawr ymysg ei gwsmeriaid.
Mae’r rhan fwyaf o nwyddau’r cwmni’n cael eu cynhyrchu o blastigion crai, ond yn y blynyddoedd diwethaf, mae’r cwmni wedi cynyddu’r cynnwys eilgylch mae’n ei ddefnyddio mewn ymateb i alw gan gwsmeriaid. Ar hyn o bryd, mae’r cwmni’n defnyddio tua 680 tunnell o Bolypropylen (PP) eilgylch bob blwyddyn.

Nod y Prosiect hwn yw cynhyrchu tri chynnyrch label gwyn newydd o 100% cynnwys eilgylch, a hynny drwy brynu peiriant mowldio drwy chwistrell ychwanegol a fydd yn arwain at ddefnyddio 1,193.7 o dunelli ychwanegol o gynnwys eilgylch yn y nwyddau a gynhyrchir gan Synergy Plastics Limited.

Bydd y cymorth grant yn galluogi’r Derbynnydd i brynu offer cyfalaf.

Bydd y cymorth grant yn galluogi’r Derbynnydd i brynu ail linell gynhyrchu gyda chapasiti mwy, yn cynnwys peiriant allwthio, dei a system brosesu ymhellach i lawr yn y broses, i weithredu ochr yn ochr â’i linell gynhyrchu bresennol i gynhyrchu 2,288 o dunelli ychwanegol o gynnyrch wedi’i allwthio.