Datblygwyd yr eiconograffeg ar gyfer ffrydiau deunyddiau i ddechrau yn 2004 i gefnogi brandio’r ymgyrch cenedlaethol Recycle Now (ac yn ddiweddarach Cymru yn Ailgylchu), helpu i godi ymwybyddiaeth am y gwahanol fathau o ddeunyddiau y gellir eu hailgylchu a hyrwyddo gwasanaethau ailgylchu lleol drwy gynnig gwedd a theimlad cyson. Mae’r eiconau hyn yn adnabyddus yn eang ac fe’i defnyddir ar draws gwasanaethau ailgylchu yn genedlaethol.
Yn bennaf, mae eiconau’r ffrydiau gwastraff yn cynrychioli’r eitemau mwyaf cyffredin y gellir eu hailgylchu. Mae gwahanol opsiynau eiconau ar gael fel bod modd eu teilwra i weddu i faint a siâp y lle sydd ar gael ar y sianel neu’r caledwedd ble defnyddir yr eiconau.
Mae’r eiconau’n rhoi set o arwyddion ymarferol sy’n dangos beth ellir ei ailgylchu a gellir eu defnyddio at sawl diben, yn cynnwys:
- Cyfathrebu gan awdurdodau lleol
- Byrddau gwybodaeth ac arwyddion ar safleoedd danfon a chanolfannau gwastraff y cartref ac ailgylchu
- Gosod gwybodaeth ar gynwysyddion drwy ddull ffoil poeth
- Sticeri a thagiau biniau
- Labeli cynwysyddion
- Hysbysebu oddi cartref
- Gwefannau awdurdodau lleol
- Cynnwys i’r cyfryngau cymdeithasol
- Lifrai cerbydau.
Lawrlwytho ffeiliau
Canllawiau Eiconau Ffrydiau Deunyddiau
-
Cymraeg
PDF, 7.08 MB
-
Saesneg
PDF, 7.08 MB
O lawrlwytho’r adnoddau, rydych yn cytuno i’w defnyddio’n unol â’n telerau ac amodau.
Mae’n bosibl na fydd y ffeiliau hyn yn addas ar gyfer defnyddwyr technoleg gynorthwyol.