Gweithle Ysbrydoledig a Chydweithredol Iechyd Cyhoeddus Cymru

Roedd y brîff a luniwyd ar gyfer dodrefnu’r adeilad yn pwysleisio’r angen i arddangos cynaliadwyedd amgylcheddol, economaidd a chymdeithasol trwy gydol yr ailosod. Er mwyn cyflawni hyn, defnyddiodd Iechyd Cyhoeddus Cymru ymagwedd newydd ac arloesol at gaffael offer, dodrefn a lloriau  swyddfa gan ddefnyddio cymaint o offer a chynnyrch wedi’u hailddefnyddio a’u hailgynhyrchu ag y bo modd. Roedd Iechyd Cyhoeddus Cymru am i’r cynigiwr llwyddiannus ddefnyddio cymaint o’r dodrefn swyddfa presennol ag a oedd yn rhesymol: gan atgyweirio ac adnewyddu yn ôl yr angen ac ychwanegu elfennau newydd yn ôl yr angen. Roedd yr ymarfer wedi’i seilio ar ymagwedd gydweithredol at sicrhau canlyniad gofynnol, yn hytrach na manyleb fanwl o niferoedd ac anghenion, gyda gwahoddiad i gyflenwyr ddarparu tendrau a fyddai, mewn amrywiaeth o ffyrdd, yn bodloni anghenion dylunio a chyflenwi’r cleient.