Yn 2021, cyhoeddodd Llywodraeth Cymru ei strategaeth uchelgeisiol ‘Mwy nag Ailgylchu’ sy’n amlinellu ei gynllun i wireddu economi gylchol yng Nghymru. Er mwyn helpu i ddeall ymddygiad dinasyddion ac olrhain eu cynnydd o ran ailddefnyddio, atgyweirio a rhentu/prydlesu, mae WRAP wedi ailwampio ei arolwg 3R o 2015 (Lleihau, Ailddefnyddio, Ailgylchu/Reduce, Reuse, Recycle).

Cynhaliwyd yr arolwg ar-lein rhwng Mawrth 17-22, 2023, a chysylltwyd â 1,002 o oedolion yng Nghymru ar draws 13 o gategorïau cynnyrch blaenoriaethol. Mae’r categorïau’n cynnwys dodrefn, offer DIY ac offer garddio, nwyddau trydanol mawr, nwyddau trydanol ac electronig bach ar gyfer y gegin, a mwy.

Canfyddiadau allweddol yr arolwg 

  • Mae Arbedion Costau yn Sbarduno Ymddygiadau Cylchol: Y prif sbardun ar gyfer ymddygiadau caffael cylchol yw arbedion cost. Mae mwynhau ‘bargen dda’ a’r gallu i fforddio eitemau a fyddai tu hwnt i’w cyrraedd fel arall hefyd yn symbylu dinasyddion.
  • Angen am newidiadau systemig: Mae cyflawni targedau uchelgeisiol Mwy nag Ailgylchu yn galw am newidiadau systemig. Mae ymyriadau polisi, buddsoddi, a chyfathrebu ar draws y parthau cyhoeddus, busnes a dinasyddion yn hollbwysig.

Modelau Cylchol ac Ymddygiad Dinasyddion (yn seiliedig ar eitemau a restrwyd yng nghategorïau’r arolwg):

Ail-law

  • Prynodd 33% o ddinasyddion Cymru eitemau ail-law’n ddiweddar.
  • Mae 60% yn agored i brynu eitemau ail-law.

Prydlesu a rhentu

  • Mae 37% yn agored i brydlesu hirdymor.
  • Mae 58% yn prydlesu neu’n agored i brydlesu byrdymor.

Caffis ailddefnyddio a thrwsio

  • Mae 36% yn atgyweirio eitemau eu hunain neu’n cael gwneud yn broffesiynol.
  • Mae 73% yn agored i atgyweirio yn y dyfodol er mwyn gwneud arbedion cost a pharhad nwyddau.
  • Mae 35% yn ymwybodol o gaffis trwsio, a byddai 44% yn ystyried defnyddio un.

Porth gwybodaeth

Mynegodd 66% ddiddordeb mewn porth gwybodaeth yn trafod opsiynau atgyweirio, rhentu ac ailddefnyddio yn eu hardal.

Gwaredu

Y prif rwystr i werthu neu gyfrannu eitem yw ei gyflwr (meddai 38% a 44%, yn eu trefn) a hefyd y drafferth sydd ynghlwm â gwerthu (35%).

Camau nesaf

Er bod y canfyddiadau hyn yn rhoi dealltwriaeth gychwynnol o bryderon, symbyliadau, natur agored ac ymddygiadau dinasyddion, mae angen dadansoddi pellach i ganfod offerynnau ar gyfer hwyluso newid ymddygiad ar draws y categorïau targed. Mae’r data’n cynnig sylfaen ar gyfer archwilio modelau cylchol yn y dyfodol.

Archwiliwch y canfyddiadau a goblygiadau’n fanwl yn yr adroddiad llawn yma.

Download files

By downloading resources you are agreeing to use them according to our terms and conditions.

These files may not be suitable for users of assistive technology.

  • WRAP Cymru - Ailddeffnyddio, Atgyweirio a Rhentu Yng Nghymru – Gwanwyn 2023

    PDF, 3.01 MB

    Download

Tags

Initiatives

Deunydd Eilgylch mewn gweithgynhyrchu Ailddefnyddio ac atgyweirio

Sectors

Cynhyrchwyr Cyrff anllywodraethol Sefydliadau’n ymestyn hyd oes nwyddau