Gall y gair ‘Bioblastigion’ beri dryswch, gan fod termau, honiadau, safonau ac ystyriaethau defnyddio/gwaredu yn wahanol i blastigion confensiynol, ffosil-seiliedig. Er mwyn sicrhau ei fod yn cael ei ddefnyddio’n briodol, nod y ddogfen ganllaw hon yw rhoi’r adnoddau i fusnesau allu gwneud y penderfyniadau iawn.
Nod y ddogfen hon yw rhoi arweiniad ar yr ystyriaethau y dylid eu gwneud wrth benderfynu a yw deunydd bioblastig yn briodol mewn cymhwysiad ynteu a yw ffactorau allanol, fel cyfyngiadau presennol ar weithgynhyrchu neu reoli gwastraff, yn cyfyngu ar y manteision y gellir eu cyflawni. Mae’n rhoi ciplun o’r cynnydd yn nefnyddio a rheoli gwastraff deunyddiau a nwyddau plastig bioseiliedig/compostadwy, gan egluro:
· Terminoleg.
· Safonau ardystio perthnasol.
· Manteision/anfanteision amgylcheddol cyffredinol.
· Cymwysiadau a chyfleoedd allweddol (yn dibynnu ar seilwaith rheoli gwastraff).
· Addysgu ar gyfleu gwybodaeth (yn cynnwys yn ystod y cam gwaredu gan ddefnyddwyr).
Mae’r ddogfen hon yn cyd-fynd â Strategaeth Mwy Nag Ailgylchu Llywodraeth Cymru: yn benodol, annog defnyddio mwy o bioblastig o ffynonellau adnewyddadwy pan fo angen defnyddio plastig o hyd, a pha bryd mae hyn yn cynrychioli’r opsiwn amgylcheddol gorau yn gyffredinol.
Lawrlwytho ffeiliau
O lawrlwytho’r adnoddau, rydych yn cytuno i’w defnyddio’n unol â’n telerau ac amodau.
Mae’n bosibl na fydd y ffeiliau hyn yn addas ar gyfer defnyddwyr technoleg gynorthwyol.
-
LawrlwythoCanllaw Bioblastigion i Gymru 2023.pdf
PDF, 11.57 MB