Arolwg Tracio Ailgylchu yng Nghymru: Hydref 2022

Mae'r arolwg yn defnyddio samplu hwb yng Nghymru i ddarparu sampl gadarn a gwell o ddinasyddion Cymru. Cynhaliwyd gwaith maes ar-lein, rhwng 03–15 Tachwedd 2022. Cynhaliwyd cyfanswm o 5,251 o gyfweliadau gyda oedolion ar draws y DU, sy’n gyfrifol am ymdrin gwastraff ac ailgylchu yn y cartref. Roedd y sampl yn cynnwys 1,041 o oedolion yng Nghymru. Mae'r sampl yn cyd-fynd â phroffil hysbys poblogaeth Cymru, gyda chwotâu wedi'u gosod ar oedran, rhywedd a rhanbarth.

Mae calyniadau y traciwr yn dangos nifer o ganfyddiadau allweddol am ymddygiad ailgylchu:

• Mae ailgylchu yn ymddygiad sefydledig sydd wedi'i normaleiddio'n fawr yng Nghymru, gyda 95% yn nodi eu bod nhw’n ailgylchu'n rheolaidd;
• Mae lle i wella o hyd, o ran cyfleoedd a gollwyd i ailgylchu yn ogystal â rhoi eitemau yn yr ailgylchu nad ydynt yn cael eu derbyn;
• Mae bron i hanner (47%) yn colli cyfleuoedd i ailgylchu eitemau cyffredin;
• Mae dros bedwar o bob pump (84%) yn gwaredu rhywbeth yn yr ailgylchu nad yw'n cael ei dderbyn;
• Mae tueddiadau cadarnhaol yn amlwg. Er enghraifft, mae 2022 wedi gweld llai o halogiad gyda bagiau plastig, ffilmiau a deunydd lapio;
• Ar gyfartaledd, mae dinasyddion Cymru yn cael gwared ar 5.0 eitem yn anghywir.  Mae hyn yn unol â figurau diweddaraf y DU
• Mae bron i bedwar o bob pump (78%) yn ailgylchwyr gwastraff bwyd, lefel sy'n gyson â'r ddwy flynedd ddiwethaf
• Mae cyfleoedd i wella'r profiad o ailgylchu bwyd, gyda dros ddau o bob pump (43%) yn dweud eu bod nhw’n aml yn profi gweddillion hylif yn y cadi ac yn agos at un o bob pum bag leinio yn hollti (19%) neu bryfed yn y cartref (19%). Mae cysylltiad mawr rhwng problemau sy’n cael eu hadrodd â boddhad gyda'r bagiau leinio cadi, naill ai'n nodi bod rhai mathau o fagiau leinio yn cael eu ffafrio neu ddim ond lefelau gwahanol o ddisgwyliadau a goddefiannau ymhlith cartrefi;
• Yn gyffredinol, mae boddhad gyda'r gwasanaeth gwastraff ac ailgylchu yn uchel yng Nghymru ac mae wedi gwella dros y blynyddoedd diwethaf;
• Yn olaf, ymhlith y rhai wnaeth ymgysylltu ag Wythnos Ailgylchu 2022, mae ychydig dros hanner (53%) yn dweud eu bod nhw wedi gwneud rhywbeth yn wahanol o ganlyniad.

Lawrlwythwch yr adroddiad llawn a chryno isod. Ar gael yn Gymraeg a Saesneg.