Dadansoddiad cyfansoddiad gwastraff tecstilau a gasglwyd ar garreg y drws ac o ganolfannau HWRC.
Nod y dadansoddiad cyfansoddiad oedd deall mwy am ansawdd y deunydd o fewn ffrydiau canolfannau ailgylchu gwastraff y cartref (household waste recycling centres/HWRC) a chasgliadau ar garreg y drws, a’i botensial ar gyfer ei ailddefnyddio.
Mae'r adroddiad yn nodi'r cyfansoddiad manwl a’r lefelau halogiad a’r mathau o halogiad a geir mewn tecstilau wedi’u defnyddio a gesglir ar garreg y drws ac mewn canolfannau HWRC. Cymhwyswyd y nodau ac amcanion hyn hefyd wrth ddadansoddi’r tecstilau wedi’u defnyddio a gasglwyd drwy fanciau danfon.
Dewiswyd a recriwtiwyd yr awdurdodau lleol a gymerodd ran gan WRAP Cymru.
Dadansoddwyd cyfanswm o 10,860kg o decstilau wedi’u defnyddio yn ystod y prosiect. Nid oedd banciau danfon o fewn y cwmpas yn wreiddiol, ond cawsant eu cynnwys pan roedd yn bosibl er mwyn bod yn gynhwysfawr.
Gan mwyaf, dillad ac esgidiau gradd ailddefnyddio oedd y deunyddiau a gafwyd fwyaf ohonynt ar draws y tair ffrwd a gafodd eu cynnwys yn y dadansoddiad. Gan y samplau banciau danfon oedd y gyfran uchaf o ddillad ac esgidiau gradd ailddefnyddio, sef 75.3%, ac o gasgliadau ar garreg y drws daeth y gyfran isaf, sef 54.6%.
Lawrlwythwch yr adroddiad llawn am ragor o wybodaeth.
Lawrlwytho ffeiliau
O lawrlwytho’r adnoddau, rydych yn cytuno i’w defnyddio’n unol â’n telerau ac amodau.
Mae’n bosibl na fydd y ffeiliau hyn yn addas ar gyfer defnyddwyr technoleg gynorthwyol.
-
LawrlwythoCyfansoddiad Tecstilau yng Nghymru.pdf
PDF, 464.19 KB