Cymru – Adroddiad Traciwr Ailgylchu – Gwanwyn 2023

Mae’r arolwg yn darparu mewnwelediad i agweddau dinasyddion Cymru tuag at ailgylchu, yn ogystal â dealltwriaeth ehangach o’u hymddygiadau yn gysylltiedig ag ailgylchu. Mae’n darparu mewnwelediadau i’r sector ar ddefnyddwyr bwriadedig y diwygiadau ailgylchu, gan gefnogi llywodraethau, Awdurdodau Lleol, a chasglwyr gwastraff gyda dealltwriaeth o’r rhwystrau a’r cymelliadau y mae dinasyddion yn eu hwynebu wrth gyfranogi yn y system.  

Mae canlyniadau’r traciwr yn dangos nifer o ganfyddiadau allweddol ynghylch ymddygiad ailgylchu:   

• Mae ailgylchu yn ymddygiad sefydledig yng Nghymru, ac mae mwy na naw o bob deg (95%) o ddinasyddion Cymru’n dweud eu bod yn ailgylchu’n rheolaidd.   

• Mae hanner (50%) yn colli’r cyfle i ailgylchu un neu fwy o ddeunyddiau (80% o gynnwys poteli persawr/persawr eillio gwydr).  

• Mae gwelliannau mewn halogiad yn dangos bod gwelliannau cynyddrannol wedi bod mewn ymddygiad ailgylchu ledled Cymru, a gwelir hyn ar gyfer y Deyrnas Unedig hefyd.  

• Ar hyn o bryd, mae 5.3 eitem ar gyfartaledd yn cael eu gwaredu’n anghywir fesul pob dinesydd yng Nghymru. Mae hyn yn welliant sylweddol o’i gymharu â Mawrth 2021 (5.7).  

• Mae tri chwarter (75%) dinasyddion Cymru wedi gweld y logo ‘Cylchyn’ Recycle Now yn y flwyddyn ddiwethaf, ac mae 61% wedi gweld Labeli Ailgylchu ar y Pecyn (On-Pack Recycling Labelling/OPRL). Mae un traean (30%) wedi gweld y logo ‘Cymru yn Ailgylchu’, a 4% wedi gweld y logo ‘Bydd Wych’.  

• Mae ailgylchu gwastraff bwyd yn parhau i fod â norm gwannach o’i gymharu ag ailgylchu sych.   

• Yng Nghymru, mae gan y mwyafrif helaeth (78%) fynediad at wasanaeth ailgylchu gwastraff bwyd, ac maent yn ei ddefnyddio2. Ar ben hynny, mae un arall o bob pump (19%) yn dweud fod ganddynt wasanaeth ond nad ydynt yn ei ddefnyddio (yn cynnwys rhaniad cymharol hafal rhwng y rhai a roddodd gynnig arni a rhoi’r gorau i’w ddefnyddio (defnyddwyr enciliol) a’r rhai nad ydynt erioed wedi’i ddefnyddio). Dywedodd lleiafrif (4%) nad oes ganddynt wasanaeth.  

• Roedd agweddau at ailgylchu gwastraff bwyd yn gadarnhaol gan mwyaf. Ymysg datganiadau eraill, cytunodd 66% o ddinasyddion Cymru ei fod yn gyfrifoldeb arnyn nhw fel dinasyddion i ailgylchu eu gwastraff bwyd.  

• Y tri phrif rwystr a adroddwyd gan ddinasyddion Cymru sydd â mynediad at gasgliad ailgylchu gwastraff bwyd oedd arogleuon (14%), gollyngiadau ac arllwysiadau (12%), ynghyd â chynrhon/pryfed (11%).   

• Yn olaf, dywedodd dau o bob pump (41%) o ddinasyddion Cymru eu bod wedi clywed rhywbeth am gyflwyniad Cynllun Dychwelyd Ernes (Deposit Return Scheme/DRS) yn y Deyrnas Unedig, er bod peth ansicrwydd ynghylch beth fydd y cynllun yn ei gynnwys.  

Gallwch lawrlwytho’r adroddiad llawn a’r adroddiad cryno yn Gymraeg a Saesneg.