Ymateb i Adroddiad 2018 Swyddfa Archwilio Cymru – Adroddiad Cryno

Argymhelliad A2 o’r adroddiad yw ”wrth ddadansoddi ymhellach er mwyn cael dealltwriaeth well o’r rhesymau wrth wraidd y gwahaniaethau yn y costau a adroddwyd gan gynghorau, a’r effaith ar gostau lle mabwysiadwyd y Glasbrint Casgliadau gan y cynghorau, argymhellwn y dylai Llywodraeth Cymru: 

• archwilio sut y gallai’r gost o gasglu deunyddiau ailgylchadwy sych effeithio ar gyfanswm y gost o ddarparu gwasanaethau rheoli gwastraff ar garreg y drws i aelwydydd; a

• chymharu’r costau gwirioneddol â’r costau a fodelwyd yn flaenorol fel rhan o’r adolygiad a gomisiynwyd gan Lywodraeth Cymru o’r Glasbrint Casgliadau, yn achos cynghorau sydd bellach yn gweithredu’r Glasbrint Casgliadau.”

Ymateb Llywodraeth Cymru i’r argymhelliad oedd:

“Bydd Llywodraeth Cymru’n gweithio gydag Awdurdodau Lleol, CLlLC a thîm Rhaglen Newid Gydweithredol (CCP) WRAP i edrych ar gostau casgliadau ailgylchu sych, casgliadau gwastraff bwyd a gwasanaethau rheoli gwastraff ar garreg y drws i aelwydydd. 

Bydd Llywodraeth Cymru’n gweithio gyda thîm CCP WRAP i gymharu modelu costau cyn newidiadau i wasanaethau a gwir gostau’r gwasanaethau ar ôl i newidiadau gael eu gwneud. Bydd hyn yn cynnwys adolygiad o gostau Awdurdodau Lleol sydd bellach yn gweithredu gwasanaethau sy’n alinio â’r Glasbrint Casgliadau. Bydd Llywodraeth Cymru’n gweithio ar hyn dros y ddwy flynedd nesaf, gyda’r bwriad o gyhoeddi asesiad yng ngwanwyn 2021. 

Bydd yr asesiad yn cynnwys Awdurdodau Lleol ychwanegol sydd wedi newid i’r Glasbrint Casgliadau a bydd hefyd yn ceisio cyfrif am y gwahaniaeth rhwng codiadau tymor byr mewn costau/perfformiad o’u cymharu â’r rhai a geir mewn gwasanaethau mwy aeddfed.”

Mae'r adroddiad cryno hwn yn amlinellu'r ymateb a'r canfyddiadau.

¹ Rheoli Gwastraff yng Nghymru: Ailgylchu Trefol, Tachwedd 2018 ar gael yma: https://www.audit.wales/cy/publication/rheoli-gwastraff-yng-nghymru-ailgylchu-trefol  Mae’r Archwilydd Cyffredinol yn annibynnol o’r Cynulliad Cenedlaethol ac o lywodraeth. Mae’n archwilio ac yn ardystio cyfrifon Llywodraeth Cymru a’r cyrff cyhoeddus sy’n gysylltiedig â hi ac a noddir ganddi. Mae ganddo’r pŵer i gyflwyno adroddiadau i’r Cynulliad Cenedlaethol ar ddarbodaeth, effeithlonrwydd ac effeithiolrwydd y defnydd a wna’r sefydliadau hynny o’u hadnoddau wrth gyflawni eu swyddogaethau, a sut y gallent wella’r defnydd hwnnw. Mae’r Archwilydd Cyffredinol yn ymgymryd â’i waith gan ddefnyddio staff ac adnoddau eraill a ddarperir gan Swyddfa Archwilio Cymru